РУХ ЯҘЫУЫ – 2023
Быйыл “Рух яҙыуы” күренекле яҡташыбыҙ, шағирә, Рәсәй Федерацияһының атҡаҙанған мәҙәниәт хеҙмәткәре, Башҡортостан Республикаһының атҡаҙанған матбуғат һәм киң мәғлүмәт хеҙмәткәре, Салауат Юлаев ордены кавалеры Йомабикә Ильясованың ижадына арналды һәм “Рух яҙыуы” асыҡ район телевизион шиғриәт бәйгеһенең I турында республикабыҙҙың төрлө райондарынан һәм өлкәләренән бөтәһе 130 – ҙан ашыу кеше көс һынашты. Икенсе этабында иһә район мәҙәниәт йорто сәхнәһендә барлығы 16 бәйгесе һынау тотоп, был көндө яҡташ шағирәбеҙҙең рухлы һәм хисле шиғырҙары беҙҙе замандаш, рухташ итеп бергә тупланы. Бәйгеселәр араһында Маҡан ауылынан Килдебаева Рәфиә Әмир ҡыҙҙы ла ҡатнашып 1 дәрәжәле дипломға һәм Йомабикә Ильясованың махсус бүләгенә лайыҡ булды. Ошо айҡанлы Рәфиә Әмир ҡыҙҙы һеҙҙе ихлас күңелдән ҡотлайбыҙ. Һеҙгә артабанда яңы үрҙәр, ижади уңыштар теләйбеҙ!!!
